✍ Марий Элын тазалык аралтыш министржылан Владимир ГЛАДНЕВЫМ шогалтеныт. Тидын нерген Указым Марий Эл Вуйлатыше Юрий Зайцев таче, 17 мартыште, подписатлен.
14 мартыште ончычсо министр Марина Викторовна ПАНЬКОВА паша гыч шке кумылын каен.
2022 ий 20 июль гыч 2025 ий 12 февраль марте Владимир Юрьевич Чувашийын здравоохранений министржын икымше алмаштышыже лийын. А тылеч ончыч тудо Росздравнадзорын Марий Элысе управленийжым вуйлатен.