Йошкар-Оласе 4-ше номеран поликлиникыште у лифтым пашаш колтеныт. Тидлан Марий Эл Республикын бюджетше гыч 2,7 миллион теҥгем ойыреныт.
Поликлиникысе тӱҥ врач Р.Мустафаевын мутшо почеш, тошто лифт чӱчкыдын шаланен, сандене пациент-влаклан йӧндымылыкым луктын. У лифт тошто деч кумдыкшо, нелытше да йӧнан улмыж дене ойыртемалтеш. Тудым инвалид-влаклан кӱзаш-волашышт келыштарыме.