Морко район Красный Стекловар посёлкысо психоневрологический инернатын у корпусышкыжо 100 еҥ илаш куснен.
Инернат-пӧртым «Демографий» нацпроект почеш чоҥеныт. Тушто чылажат кызытсе жаплан келшыше: медперсонал-влаклан кабинет-влак, книгагудо, процедурный кабинет, кок лифт улыт.
Зданийым 2019 ийыште чоҥаш тӱҥалыныт. Тидлан 79,91 млн теҥге каен. Тышеч 78,31 млн теҥгем федеральный бюджет гыч ойырымо.