2023 ийыште Марий Элысе книгагудо-влак 7700 у книгалан пойдаралтыныт. Тидлан «Культура» нацпроект почеш 3,2 млн теҥгем колтымо.
Тыгак эртыше ийын «Сохранение культурного и исторического наследия» федеральный проект дене 3,2 млн утла теҥге субсидий пуалтын. Туддене книгагудо-шамыч 8500 книгам налыныт. Кызыт республикыштына 8 модельный книгагудо уло; уэмдыме библиотекылашке 2023 ийыште 2022 ий дене таҥастарымаште 1,8 пачаш шукырак еҥ коштын. Тений Марий Элыште кум книгагудым модельныйыш савырат. Иктыже – Йошкар-Оласе Анциферов уремысе 1-ше №-ан книгагудо-филиал.