17 мартыште мурызо Анита Феоктистован нылымше клипше лектын. Тудо «Кочо шарнымаш» (мутшо – Анита Феоктистован, семже – Олег Славинын) маналтеш.
Тиде – ӱдырын нылымше пашаже. Мутлан, «Ӧндал мыйым», «Ну молан?» клип-влак ондак лектыныт. Ты клипыште тӱҥ герой – самырык ӱдыр – йӧратыме мурызыжым йӧратен шынден. Эре тудын фотожым, видеожым онча, мурыжым колыштеш. Тиде рвезе дене лишкырак лияш манын, тудын студийыштыже мурым воза.
– Мый изинек артист лияш шоненам, сандене тӱҥ рольымат шкеак модам. Икымше образований дене артист-режиссёр улам, садлан клиплан сценарийым келыштараш йӧсӧ лийын огыл. Тидлан кум кече веле кӱлын. Вара чыла радамлен, модшо артист да операторлан колтенам. Умбакыже эн оҥай тат – ямдылалтмаш да организационный паша. Тидлан шуко жап да вий кӱлыт, – ойла мурызо.
Ӱдырын альбомжо гыч налме фото.