«Герои Марий Эл. Талешке-влак»: СВО ветеран-влаклан вияҥме у йыжыҥ 
Кызыт программын участникше-влак собеседованийым эртат. Программын чыла йыжыҥжым эртымеке, спецоперацийын ветеранже-влакым региоымн виктарымаште да республикысе флагман предприятийлаште ответственный должностьлаште вучат.
«Герои Марий Эл. Талешке-влак» программылан фирменный брендбукым ямдылыме, тудо проектын визуальный идентичностьшым, акшым да миссийжым пеҥгыдемда.
Проект госуправленийыште да бизнесыште пашам ышташ тӱҥ моштымашым пален налаш, опытан вуйлатыше, депутат да предприниматель-влак деч наставничествым налаш, тыныс илышыште лидер койышым кучылташ шкешотан йӧным пуа.
Тыгай полышым пуымо шонымашым Россий Президент В.В.Путин темлен да ынде федерал кӱкшытыштӧ пайдале улмыжым ончыктен.
Ӱшанена: геройна-влакын патырлыкышт, дисциплинышт да чулымлыкышт Марий Элым вияҥдаш куатле вий лиеш.