Кодшо кечылаште РФ-н цифровой вияҥмаш, связь да массовый коммуникаций министерстве Госуслуго порталыште электронный больничный листым вераҥден.
Тиде увер госуслуго порталыш РФ-ысе социальный страхований фонд гыч мия. Теве сервисым пашаш колтымо икымше кечын (5 октябрьыште) кызыт эмлалтше да госуслуго дене пайдаланыше еҥ-влак шотышто 200 тӱжем утла тыгай увертарымашым колтен.
Ушештарена: пашам ыштен кертдыме шотышто электронный документ 2017 ий 1 июль годсек пуалтеш. Ынде тудым Госуслуги порталысе личный кабинетыштыда ужын кертыда.