Марий Эл Правительстве чыла печатный СМИ ден сетевой ресурс-влакым «Марий Эл» информагентствыш чумырен. Тышкак «Периодика» савыктыш пурталтын. Холдингым Марий Элым Вуйлатыше Ю.В.Зайцевын инициативыж почеш ыштыме. Тудын директоржылан Е.И.Кузнецовым шогалтыме.
Чыла редакций, а тиде «Марийская правда», «Марий Эл», «Кугарня», «Наш город Волжск», «Сурт-пече», «Ямде лий», «Молодёжная жизнь в Марий Эл», посна усталык коллектив семынак аралалтыт. Тыгодым вёрстко, рекламе, газетым шаркалыме службо-влакым ушымо дене пайдале паша шукталтшаш, административно-управленческий персонал шотышто оптимизаций лийын.