Налог шотышто федеральный службын Марий Эл Республикысе инспекцийжын пашаеҥже-влак Йошкар-Оласе ужалыме рӱдерлашке лектыт да пого шотышто налоглан парымым тӱлымӧ нерген умылтарат.
Еҥ-влак тушто пого шотышто налоглан квитанцийым налын, Налог шотышто федеральный службын «Личный кабинет налогоплательщика для физических лиц» интернет-сервисышкыже ушнен, тыгак парым улмо шотышто СМС дене да электрон почто дене уверым налаш келшымашыштым (согласийыштым) пуэн кертыт.
Налоговик-влак тыгак пого шотышто налоглан льготым налме радам нерген умылтарат, еҥ-влакын йодышыштлан вашештат.
Налоговик-влакын «Мобильный офисышт» лийыт:
«Планета» ужалыме рӱдерыште: 12 да 14 декабрьыште 14 гыч 17 шагат марте;
«Рӱдӧ пазар» ужалыме рӱдерыште: 12 гыч 15 декабрь марте 10 гыч 13 шагат марте, тыгак 17 декабрьыште 10 гыч 15 шагат марте;
«Ёлка» ужалыме рӱдерыште: 13 декабрьыште 14 гыч 17 шагат марте.