Шергакан марий калык!
Марий Мер Каҥаш лӱм дене У 2023 ий да Шорыкйол пайрем-влак дене саламлем. Шушаш ий у пиал да у сеҥымаш дене кылдалтеш. Йомак сынан пайрем мыланна у ӱшаным конда, вий-куатым ешара.
Тиде пайремым ме еш дене палемдаш тыршена. Ты теле пагытыште еш, родо-тукым дене вашлияш, икте-весын вачыжым шижаш, чон кумылым вашла пӧлеклаш йӧн пуалтын. Меат, кумда тӱня мучко илыше марий калык, шкенам ик еш семын ужшаш улына, вет мемнам ик йылме, тӱвыра, йӱла ушат. Родо-тукым кылнам арален, вияҥден шогышаш улына.
Тек 2023 ийыште кажне кече тыланда мучашдыме чолгалыкым да пиалым конда, чондам ласка кумыл рӱпша да кажне волгыдо шонымашдам шуктен толеш.
Кажне еҥлан у идалыкыште волгыдо корным, пеҥгыде тазалыкым, кужу ӱмырым, вашла пагалымашым да пиалым тыланем. Тек 2023 ий кажне ешыш улан да волгыдо илышым, чон куаным конда.
У ий дене! Шорыкйол дене!
Эдуард Васильевич Александров,
Марий Оньыжа.