Кожым сӧрастараш пӱгыльмӧ денесакалтыме тӱрлӧ модышым ышташ лиеш. Мутлан, Санта Клаусым келыштараш келшен толеш. Тидлан пӱгыльмӧ вуйыш ош помпонан йошкар калпакым упшалтыман да шӱртӧ гыч пондашым ыштыман.
Тыгак пӱгыльмӧ дене пӱчӧ фигурым ышташ йӧнан. Тидлан кок пӱгыльмым вашла клеитлыман. Тыге янлыкын вуйжо да капкылже ушналтыт. Тӱкым ышташ вичкыж воштырым але укшым кучылташ лиеш, а йоллан – тоя-влакым.
Эше ик вариант – композиций. Тидлан кыдалаш банке сайрак лиеш. Тушко пӱгыльмым, тӱрлӧ шийым, изирак бант-влакым, шке ыштыме лумпырчым оптыман да еҥ-влаклан коймо верыш шындыман.
Рошто аршашыште, йӱлышӧ сортан композицийлаште пӱгыльмӧ шке вержым муын кертеш.
Портыш гыч ямдылыме поделкылаште пӱгыльмым кучылташ гын, йомакысе персонаж-влак моторын лектыт. Мутлан, портыш да пӱгыльмӧ гыч гном сайын кояш тӱҥалеш.
https://www.freepik.com/ сайт гыч налме сӱрет-влак.