М а р и й Э л ы ш т е илыше пагалыме еҥ-влак!
Марий Мер Каҥаш лӱм дене чыладамат шушаш у 2022 ий да Шорыкйол пайрем дене саламлем!
Идалык мучашыште ыштыме пашам иктешлат. Саранск олаште эртыше Российысе финн-угор калык-влак ассоциацийын VII съездше ончыктыш, моло калык коклаште тӱвыранам, йӱланам, цифровой технологийым вияҥдымаште ме, марий-влак, ончылно улына. Тиде кугешнымашым веле огыл, а эшеат кыртмен пашам ышташ кумылаҥда.
Пагалыме марий калык, умбакыжат шке кундемыштыда марий калыкым чумырышо,
пашам вияҥдыше лийза. Тек тендан тыршымыда моло калыклан пример семын лиеш.
Тек марий-влакым ик эн виян да шотан калык семын аклат.
Шушаш ийыште марий калыклан пеҥгыде тазалыкым, кужу ÿмырым, вашла пагалымашым
да пиалым тыланем. Тек 2022 ий тыланда сай паша лектышым, чон ласкалыкым конда.
Умбакыжат марий калыкнан волгыдо ончыкылыкшо верч пырля тыршаш ÿжам. Чыла поро шонымашда шушаш ийыште шукталтше.
У ий дене! Шорыкйол дене!
Оньыжа
Э.В.АЛЕКСАНДРОВ.