Надежда ВАСКАНОВА, Т.Евсеев лӱмеш тоштерын пашаеҥже:
– 2020 ий – событийлан поян идалык. Тений Марий Эл Республиклан да Т.Евсеев лӱмеш национальный тоштерлан 100 ий темын. Нине пайремвлак вашеш икмыняр выставкым ямдылыме. Тыгак тӱрлӧ конференцийышке доклад дене коштынам, конкурслаште вием тергенам. «Кырык мары хресäнь йиш XIX – ХХ курым тӹнгäлтӹшӹштӹ» (Н.А.Васканова, А.Г.Иванов) монографийна Олык Ипай лӱмеш премий дене палемдалтын.