Екатерина АЛЕКСАНДРОВА, М.Шкетан лӱмеш драмтеатрын артисткыже: – Уло тӱням пандемий авалтен гынат, идалык икшырымын эртен, шке саскажым пуэн. Тений мый шуко еҥ дене палыме лийынам, Инстаграм дене утларак пайдаланаш тӱҥалынам. Качырий бавайын лаштыкшым вӱдем. Шукерте огыл кокымшо гана ава лийынам, изи падыраш ӱдырна ош тӱням ужын. У идалыкыште шукырак сай уверым тыланем.
Шонымашна-влак тек шукталт толыт. Нимогай вирусат мемнам сеҥен ынже керт. Пиалан да таза лияш тыланем!
Качырий бавайын лӱмжӧ дене тыгерак каласем: тений чыве вӱтам чоҥен пытарыме. У идалыкыште пенсий кӱзымым вучем.