Татьяна СОЛОВЬЁВА, марий мурызо, поэтессе:
– Кызыт йоча дене мӧҥгыштӧ шинчем. Ты идалык, поснак творческий пашаште, кугу канышым конден. Муровлакым возен омыл. Но почеламут-влак сералтыныт. Изи ӱдырем дене куанен жапым эртарем.
Тек йырымваш ласкалык лиеш. Кызыт еҥ-влак изиш тургыжланыше улыт. Кажне айдеме шке йӧратыме пашажым ышта, чоныштыжо ласкалык ила гын, тунам шке корныж дене шӱртньыде ошкыл кертеш. Тӱҥжӧ тазалык лийже, илышлан кумыл ынже воло. Илышым йӧратен моштыман да йӧраташ тунемман.