Алина ХОРОШАВИНА, дизайнер, ургызо:
– Эртыше идалык тÿвыргö лектышан лийын, шонем. Пеш шуко ургенам, сÿретленам. «Энсай» салон дене пырля ятыр марий вургемым ямдыленам. Тыглай тувырым гына огыл, самырык ÿдыр-рвезе-влаклан толстовкым да тÿрлö костюмымат. Республикысе Молодёжный политике, спорт да туризм министерствын йодмыж почеш Йошкар-Ола да Марий кундемнан поянлыкше дене палдарыше открытке-влакым сÿретленам. Республикысе Правительствын полшымыж дене типографий дене пырля марий йомак-влак почеш чиялтышаш книга (раскраске)-влакым ышташ тÿҥалынна. Эше ик куан: теҥгече Калык прикладной сымыктыш тоштерыште мыйын киидпашам-влакым чумырымо ончер почылтын