Марий Мер Каҥаш лӱм дене У 2024 ий да Шорыкйол пайрем-влак дене саламлем.
Шушаш ий у пиал да кугырак сеҥымаш дене кылдалтеш. Йомак сынан пайрем мыланна у ӱшаным конда, вий-куатым ешара, кажныже тудым еш дене вашлияш тырша. Чынжымак, ты теле пагытыште родо-тукымын шокшыжым шижаш, чон кумылым вашла пӧлеклаш йӧн пуалтын. Меат, кумда тӱня мучко илыше марий калык, шкенам ик еш семын ужына, чылаштнам ик йылме, тӱвыра, йӱла ушат. Родо-тукым кылнам арален, вияҥден шогышаш улына.
Шушаш 2024 ийыште XII Марий калык Погын марий родына-влакым иктеш уша. Ӱшанем, Погыныш сайлалтше делегат-влак марий тӱсыштым кӱшнӧ кучаш тӱҥалыт.
Тек 2024 ийыште кажне кече тыланда мучашдыме чолгалыкым да пиалым конда, чондам ласка кумыл рӱпша да кажне волгыдо шонымашдам шуктен толеш.
Ончыкыжымат марий калыкнан да Марий Элын волгыдо ончыкылыкшо верч пырля тыршаш ӱжам. Тек шочмо йылмына, марий тӱвырана да кугезе йӱлана калыкнан чоныштыжо сескемалт йӱлат да марий улмына дене кугешнаш таратат.
Кажне еҥлан у идалыкыште волгыдо корным, пеҥгыде тазалыкым, кужу ӱмырым, вашла пагалымашым да пиалым тыланем. Тек 2024 ий кажне ешыш улан да волгыдо илышым, чон ласкалыкым конда.
У ий дене! Шорыкйол дене!
Оньыжа Э.В. Александров.