Елена АНДРИАНОВА , МарГУ-н туныктышыжо, филологий шанче кандидат, доцент:
– Тений туныктымо пашаште у вашталтыш – дистанционно туныктымаш. Тыгодым чыла туныктышо у кӱкшытыш шуын. Дистанционный йӧн дене пашам ыштыме годым тынар нелылыкым шижын огынал. Вес кугу паша – тений рушла-марла да кӱэмалтше ойсавыртыш мутер-влакым лукмаш. Рушла-марла мутерым ыштымаште мыят тыршенам. Тыгак фразеологий мутерым ямдылымаште редактор сомылым шуктенам. Тек «Кугарням» да марла лекше моло газетым лудшо-влак шукемын толыт. Вет марий йылмынам пагалаш, йӧраташ да марла чын возаш кӱлеш.
Илышыште кугу вашталтыш лийын огыл, чылажат икшырымын эрта. Пелашем – Угарман кундем гыч. Сандене кеҥежым жап лийме семын тушко миен толам.