Йошкар-Олаште 1 сентябрь деч ончыч корно лӱдыкшыдымылык шотышто у граффити-влакым ыштыме.
Тудым Марий Элыште Йочан праваж шотышто уполномоченный Ольга Торощина ден обмудсмен пеленысе йоча мер советын активистше-влак пижыктеныт. А тылеч ончыч тыгаяк пашам госинспектор, «Молодёжка ОНФ-ын» еҥже да тунемше-влак шуктеныт.
Тусо возымаш-влак тӱткырак лияш, йочан кидшым кучаш, телефон деч шинчам кораҥдаш, смс-уверым корно вес могырышто лудаш таратат.