У ер

Интернет гыч налме фото.

Кужеҥэр районышто Чодыраял да Изи Чарнур ялла коклаште Мӱшылъер гай койшо ерым муыныт. Тидын нерген мер еҥ Андрей Пайдыганов «Марийская правда» газетлан увертарен.

У ер кумдан палыме деч ышталтмыже дене ойыртемалтеш. Ракет шахте олмышто вӱд погынен, да тыге у ер шочын.

Мӱшылъер — карст ер. Мланде йымалне вӱд мушмо дене кӧргаш-влак лийыныт. Икмыняр жап гыч порволымашке уэш вӱд чумырген.