«Единый Россий» партийын проектше почеш школ автобус паркым уэмдыме.
Республикышкына чылаже 21 автотранспортым кондымо. Тиде ПАЗ, ГАЗ маркан автобус-влак. Тыгак икымше гана Курган автомобильный заводын транспорт средстважым налме.
Автобус-влак ГОСТ-лан да пассажир-влакым лӱдыкшыдымын шупшыктымо шотышто йодмашлан, нормылан да стандартлан келшен толыт. Южо модельыш почмо омса ден кудалаш чарыме устройство-влакым келыштарыме. Салонышто тыгак видеонаблюдений системе, кондиционер улыт.
Марий Элыште у транспорт-влакым 9 районысо школ-влаклан пуымо.
Марий Элым Вуйлатышын пресс-службыжын фотожо.
