Моско область Солнечногорск олаште «Территория смыслов» форумышто 26 июль гыч 1 август марте «Гражданское общество» смене эртаралтеш.
Арня жапыште самырык-влак дене тӱрлӧ еҥ-влак пашам ыштат. Кутырен келшыме теме почеш каласкалат, йодыш-влаклан вашештат. Каныме семын тӱрлӧ мастер-классым темлат. Мутлан, шеф-повар Влад Пискунов ден Российысе шеф-повар-влакын гильдийыштын почётан членже, телевӱдышӧ Ника Ганич кочкаш ямдыленыт. Тыгодым кумылан-влак полшен да сийым тамлен кертыныт.
Тыгак «Территория смыслов» форумышто вес смене-влакат лийыт:
- 3-9 августышто – «Политика и сетевые лидеры»,
- 11-17 августышто – «Вызовы образования»,
- 19-25 августышто – «Служение Отечеству»,
- 27 август гыч 2 сентябрь марте – «Цифровая экономика».
Тыят ты форумыш ушнынет гын, https:// myrosmol.ru/event/41679 ссылке почеш йодмашым кодо. Тыгак онлайнучастникат лияш йӧн уло. Тидлан Росмолодежь сайтыште анкетым возымо годым онлайн йӧным палемдаш кӱлеш.