Россий МВД-н Марий Элысе пӧлкаже таза илыш-йӱлам кучыым да наркотик ваштареш лиймым пропагандироватлыше социальный рекламым ямдылыме шотышто «Спасём жизнь вместе» конкурсым увертара. Ончыч сеҥыше-влакым регионысо йыжыҥыште палемдат. Тушко физический ден юридический лица-шамыч, тыгак авторский коллектив-влак ушнен кертыт. Паша-влакым «Лучший макет наружной социальной рекламы, направленной на снижение спроса на наркотики», «Лучший видеоролик антинаркотической направленности и пропаганды здорового образа жизни», «Лучший видеоролик антинаркотической направленности для социальных медиа» йыжыҥлаште ойырат.
Конкурслык пашам rmewithoutdrugs@mail.ru электрон почтыш 2023 ий 10 февраль марте колтыман. Материалым колтымо годым «конкурсыш» манын палемдыман. Лекше йодышым 8(8362) 683857 телефон номер дене рашемдаш лиеш.