Евгений Вучетичын «Перекуем мечи на орала» статуйжо тӱнямбалне тыныслыкыште илаш ӱжеш. Тудо тӱрлӧ келшыдымаш, кредалмаш деч кораҥаш кӱшта. Автор тидым пашаеҥын саргуралым мландым куралме ялозанлык орудийыш таганлымыж дене ончыкта.
Тыгай паша-влак тӱнямбалысе икмыняр олаште улыт.
Икымше статуйым 1957 ийыште Нью-Йоркысо штаб-пачер ООО-што вераҥдыме. Тудым Совет Ушем штат дене келшен илымыжлан тауштен пӧлеклен. Памятникын тыгаяк копийжым Москосо Третьяковский галерей ончылно, Волгоградыште, Усть-Каменогорскышто ужаш лиеш.
Евгений Вучетичын пашажым СССР-ыште веле огыл сайын акленыт. Ты композицийлан авторым Тӱнямбал Ушемын ший медальже дене палемденыт да Брюссельысе выставкыште Гран-прим пуэныт.