Тыгай лӱман видеоблогым вӱдаш тӱҥалын Таллиныште илыше чолга марий пӧръеҥ Алексей Алексеев.
Эстонийыште шуко жап илен, Алексейлан марий калык нерген йодышым чӱчкыдын колаш пернен. Садлан тудо йотэлыште илыше марий-влак нерген блогым ышташ шонен.
Таллинысе Марий ушемым вуйлатыше Людмила Ямурзина А.Алексеевын икымше унаже лийын.
Тудо утларакшым Таллин Марий ушемын пашаж нерген ойлен.
«Арнян вӱршерже» лаштыкым И.Александрова, В.Семёнов, Э.Терентьева ямдыленыт.
Моло уверым 15-ше октябрьыште лекше газетнан 42 № -ыште лудса.