Тыгайым ончыманак

1 мартыште «Серьёзные игры» документальный сериалын икымше эпизодшым калык ончыко лукмо. Тудым Vkвидео сервис илышыш шыҥдарен.

Тушто Российысе видео модмаш индустрийын, геймингын вияҥ толмышт нерген каласкалыме. Тыгак элнан киберспортсменже да разработчикше-шамычын тӱнямбалне кузе чапланымышт дене палдарыме.

Сериалыште эксперт-шамыч тыгак отечественный модмаш-влакым кузе шочыктымышт да моло нергенат каласкалат. Тушто тӱҥ шотышто компаний-влакым вуйлатыше, кумдан чапланыше киберспортсмен, стример, актёр да журналист-шамыч войзалтыныт. Мутлан, Российысе компьютерный спорт федерацийын президентше Д.Смит да молат.

Сериал вич эпизодан лиеш. Ончыкыжым моло эпизодымат ончыкташ тӱҥалыт.

Интернет гыч налме фото.