16 декабрьыште 11 шагат гутлаште «Юный» пляж тураште Изи Какшан акваторийыште кок пӧръеҥ да ӱдырамаш ий йымак каеныт.
«Туткарыш» логалше-влак профессиональный гидрокостюм дене статист-шамыч лийыныт. Шкешотан туткар тактико-специальный занятийын ужашыже лийын. Тудым практикым пеҥгыдемдаш манын ыштенын.
Мероприятийыш Йошкар-Оласе школла гыч тунемше-влакым ӱжыныт улмаш. Нуно кузе утарыме паша ышталтмым да улшо оборудованийын кӱлешлыкшым пален налыныт.