5-7 июльышто Республикысе курчак театрыште Юл кундем федеральный округысо «Диво России» Х фестиваль-конкурс эртаралтеш.
Тышке элнан тӱрлӧ верже гыч 125 утла еҥ толеш. Нуно туробъект-влак нерген видеопрезентаций-влакым кондат. Пашаштым Россий да йотэлласе палыме эксперт-влак аклат.
Фестиваль годым кидпаша ярмиҥга, образовательный семинар лийыт. Участник-влак тыгак видеоролик-влакым ончат, ола мучко экскурсий дене коштын савырнат.