23-25 майыште Марий Элыште Туризм индустрийын Российысе ушемжын экспертный туржо лийын.
Тидыже, регионышто туризм сферым аклаш да тудым утыр вияҥдаш эртаралтын. Экспертный турышто автотуризм ден речной (круизный), культурно-познавательный, инклюзивный да йоча туризмым авалтыме. Эксперт-влак Йошкар-Оласе, Козьмодемьянскысе да Юринысе мотор вершӧр-влакым онченыт, туризм сферыште тыршыше-влаклан совещанийым, «йыргешке ӱстелым» эртареныт. Тушто федеральный программылашке ушнаш темленыт, ончыкылык пашам палемденыт.