18-21 майыште Саратов областьыште «Туриада» спорт да турист лагерь пашам ышта.
Кандашымше гана чумырымо «Туриада» лагерьыш Юл кундемысе регионла гыч 500 наре участник миен. Нуно палаткылаште илат.
Ты гана самырык-влак велосипед, катамаран да пешеходный дистанцийлаште таҥасат. Тыгак турист маршрут-влакын конкурсышт эртаралтеш. Лагерьыште школласе окружной турпоход-влакын таҥасымашыштым иктешлат.
Спорт туризм дене кодшо ийын 97 поход лийын, тиддене 87 тӱжем утла еҥ заниматла. Марий Элысе спортсмен-влакын командышт Российысе первенствыште ече туризм дене икымше верым налыныт. А тылеч ончыч кундемна гыч команде пешеходный туризм дене Российын чемпионатыштыже сеҥен.
«Туриада-2021» спорт да туризм лагерьыш Марий Эл гыч 38 еҥан делегаций каен. Тышеч 21 еҥже спорт туризм дене заниматла.
Фото-влакым соцкыл гыч налме.