Тула олаште пневматический пистолет дене практический лӱйкалымаш дене Российын чемпионатше эртен. Тушто элнан 34 регионжо гыч чолга еҥ-влак таҥасеныт.
Марий Элын спортсменже-влак ты чемпионатыште шкеныштым сайын ончыктеныт. Личный зачётышто Виктор Игнатьев икымше, Артём Хлебников кумшо лийыныт. Команде дене кокымшо верым суленыт. Дуэльный лӱйкалымаште Виктор кокымшо, Артём адак кумшо лийыныт.