Минпросвещенийын увертарымыж почеш, Российыште педагог-влаклан льготный ипотекым ойырымо шотышто пашам ышташ тӱҥалме.
Тидлан лӱмынак паша группым чумырымо. Туныктышо-влаклан 2% дене ипотечный кредитованийым ышташ темленыт. Ты группо 2024 ий ноябрь марте Правительствылан кӱлеш темлымашым ямдылышаш. Вет тыгай ипотеке 30 ияш марте самырык туныктышым паша верыштыже кодышаш. Кредитым эн шукыжо 30 ийлан пуынешт.