Октябрь тӱҥалтыште «Точка роста» естественно-научный да технологический шинчымашым пуышо рӱдерлаште, «Кванториум» йоча технопаркыште да цифровой шинчымашым пуышо «IT-куб» рӱдерлаште пашам ыштыше туныктышо-влак Угарман оласе форумыш погыненыт. Тушко Марий Эл гычат делегаций миен коштын.
Форумыш толшо-влак «Образований» нацпроект нерген, тӱҥ да ешартыш шинчымашым пуымо пашам пыря виктарен колташ кӱлмым каҥашеныт, икте-весым паша опытышт дене палдареныт, тыгак Угарманысе тунемше-шамычын проектышт дене палыме лийыныт.
Чылаже тыште Юл кундем федеральный округысо 14 регион гыч 300 наре вуйлатыше ден педагог лийыныт. Онлайн йӧн дене тышке 3000 наре еҥ ушнен.