Пятигорск олаште «Машук» шинчымаш рӱдерыште «Наставничество» трекын мероприятийже эртаралтын. Тудо «Молодёжь и дети» нацпроектын «Флагманы образования» проектшылан келыштаралтын.
Рӱдерыш 100 наре эн сай наставнический мужыр-влак погыненыт. Нунын коклаште – Йошкар-Оласе сервисный технологий техникумышто информатикым туныктышо Д.Меркушев. Наставнический мужырышто Дмитрий Олегович вес регион гыч преподавательлан полшен шоген. Участник-шамычлан оҥай программым ямдыленыт: школлаште, колледж ден вузлаште наставник-шамычын пашашт дене палдарыше мастер-класс ден каҥашымаш-влак, паша опыт дене ваш пайлалтмаш, профессийыште кӱлешан методике да цифровой инструмент-влак нерген каласкалымаш.
Марий Элысе Образований да науко министерствын сайтше гыч налме фото.