18-19 мартыште Марий Элыште да Российысе моло регионлаште МЧС пашаеҥ-влакын командно-штабной ученийышт эртаралтын.
Икымше кечын вӱд ташлымым чактарыме шотышто тунеммашым эртеныт. Кокымшо кечын чодыра пожарым йӧртымаште шинчымашыштым пойдареныт. Тудо Оршанке районын кумдыкыштыжо лийын. Ты мероприятийыш Россий МЧС-ын Марий Элысе тӱҥ управленийысе подразделенийже да чрезвычайный ситуаций-влак лийын кертме нерген ушештарыше да ликвидироватлыше кугыжаный единый орган-влак ушненыт.