2025 ий 1 январь гыч 2027 ий 31 декабрь марте Марий Элысе Правительстве шуко шочшан еш да мӱшкыран ӱдырамаш-влак шотышто икмыняр пунчалым приниматлен.
Тудлан келшышын, шуко шочшан еш гыч икшывын профессиональный шинчымашым пуышо туныктымо организацийыште але вузышто тунеммыжлан оксам пӧртылтат. Тыгак очно тунемше ӱдырамашлан, мӱшкыраҥме шотышто учётыш шогалмеке, ик гана тӱлыман выплатым пуат.
Шуко шочшан ешыште икмыняр икшыве оксам тӱлен тунемеш гын, оксам иктыжлан гына тунемме ий мучаште пӧртылтат. Вес ийын 2024-2025 тунемме ийлан кучылтмо роскотын 50 процентшым пӧртылтат.