Тений Марий Эл гыч 14 еҥлан Россий ФСИН-ын ведомственный вузлаштыже очно тунемаш верым ойырымо.
Марий Элысе школласе выпускник-влакым Рязаньысе право да управлений академийыште, Владимир да Самара олаласе юридический институтлаште, Россий ФСИН-ын Пермьысе институтыштыжо вучат. Тыгай направлений-влакым ойырен налаш лиеш: «Оперативно-розыскная деятельность», «Пенитенциарная психология», «Организация режима», «Пробация», «Организация исполнения наказаний, не связанных с изоляцией общества», «Воспитательно-правовая деятельность», «Организация охраны конвоирования».
Йодмаш-влакым апрель мучаш марте колтен шуктыман. Кандидат 25 ий деч самырыкрак, кыдалаш образованиян да сай тазалыкан лийшаш, ЕГЭ-м сайын сдатлышаш. Федеральный бюджет кӱшеш тунемаш шонышо выпускник физподготовко дене зачётым сдатлышаш, тыгак профильный предмет дене вузышто ешартыш тергымашым эртышаш.
Лекше йодышым Марий Элысе УФСИН-ын сайтыштыже але (88362) 68-65-84, 68-69-17 номеран телефон дене йыҥгыртен рашемдаш лиеш.
Россий ФСИН-ын Марий Элысе Управленийжын архивше гыч налме фото.