Тений Марий Эл гыч 14 еҥлан Россий ФСИН-ын ведомственный вузлаштыже очно тунемаш верым ойырымо.
Марий Элысе школласе выпускник-влакым Рязаньысе право да управлений академийыште, Владимир да Самара олаласе юридический институтлаште, Россий ФСИН-ын Пермьысе институтыштыжо вучат.
Йодмаш-влакым апрель мучаш марте колташ лиеш. Кандидат 25 ий деч самырыкрак, кыдалаш образованиян да сай тазалыкан лийшаш, ЕГЭ-м сайын сдатлышаш. Федеральный бюджет кӱшеш тунемаш шонышо выпускник физподготовко дене зачётым сдатлышаш, тыгак профильный предмет дене вузышто ешартыш тергымашым эртышаш.
Лекше йодышым Марий Элысе УФСИН-ын сайтыштыже але (88362) 68-65-84, 68-69-17 номеран телефон дене йыҥгыртен рашемдаш лиеш.