Российысе социальный фондын регионысо пӧлкажын увертарымыж почеш, ава капиталым йочам туныкташ да ешартыш шинчымашым пуаш кучылташ лиеш.
Капиталысе окса дене йочасадыш коштмо гыч тÿҥалын универститетыште тунемме марте пайдаланаш лиеш. Тыгак частный организацийыште шуаралтмылан, няньын пашажлан тӱлаш йӧн уло. Тидланже услугым темлыше организацийын лицензийже лийшаш. Ава капитал дене пайдаланаш манын, йодмашым Госуслуги порталыште личный кабинет да але шуко функциян рӱдер гоч колташ лиеш.