Марий Элысе школлаште директорын воспитатлыме паша шотышто советникше-влак Пермь олашке тунемаш каеныт.
Тидыже шуктымо пашаштышт нунын квалификацийыштым кӱшкӧ нӧлташ полша. Тыгак элнан вес регионысо коллегышт дене опытышт дене пайлалташ да моштымашыштым шуараш йӧным ышта. Программе почеш вӱдышӧ эксперт-шамыч тӱрлӧ тренингым, мастер-классым эртарат. Тыгак воспитатлыме пашаште у йӧнлан да технологийлан эҥерташ туныктат.