«Тунемаш каяш полшо» акций

22 август гыч 9 сентябрь марте Марий Элыште «Тунемаш каяш полшо» акций эртаралтеш.

Полиций пашаеҥ-влак неле илыш условийыш логалше, нужна да учетышто шогышо ешыш кошташ тӱҥалыт да йоча-влакын у темме ийлан ямде улмыштым тергат. Чыла поген шуктен огытыл гын, нужна-влаклан поро кумылым ончыктышо полышым ышташ.

Тылеч посна самырык-влакын тӱшкан погынымо верыш лектын, профилактике мутланымашым эртарат.

Тыге, мутлан, Россий МВД-н «Медведевский» муниципал пӧлкан йоча-влакын пашашт шотышто инспектор Надежда Макарова районысо комиссий дене пырля коштын да  икшыве-шамычлан тунемшын наборжым пӧлеклен.

Россий МВД-н Марий Эл республикысе управленийжын сайтше гыч налме фото.