Тунемаш, каналташ

27 май гыч 8 июль марте «Лесная сказка» тазалыкым пеҥгыдемдыме комплексыште «Страна Героев» военно-исторический лагерь пашам ышташ тӱҥалеш, палдара Марий Элысе Образований да науко министерстве.

Кок арня жапыште 12-17 ияш ӱдыр-рвезе-влаклан яра канаш да ешартыш шинчымашым налаш йӧн ышталтеш. Нуно «Военная история России», «Социальное проектирование» модульышто, «Защитники», «Хранители истории», «Медиа Победы», «Волонтёры Победы» курсышто шинчымашыштым пойдарат. Тылеч посна самырык еҥ-влак физкультур да спортышто шуаралтыт. Лагерь кум смене дене пашам ышта, тушто 1200 наре тунемшылан верым келыштарыме.

«Страна Героев» лагерь Российысе военно-исторический обществын «Тӱвыра» нацпроектше почеш илышыш пурталтеш.

Странагероев.рф сайт гыч налме фото.