11 февральыште Пошкырт кундем Янаул районысо Тумна селаште «Марий еш – 2024» районысо конкурс лийын. Тушко куд еш ушнен. Конкурсым Пошкырт Республикым Вуйлатышын фонд-влак грантше кӱшеш эртарыме.
Мероприятий годым еш нерген визиткым ышташ, калык вургем дене палдараш, кочкышым ямдылыме нерген презентацийым да художественный номерым ончыкташ, «Наши увлечения» ончерым чумыраш кӱлын. Участник-влак шке калыкыштын йӱлаштым, тӱвыраштым, вургемыштым сайын ончыктеныт. Кажне ешлан дипломым, статуэткым, оксам кучыктеныт.
Участник-шамычын палемдымышт почеш, конкурс сай кӱкшытыштӧ эртаралтын. Тӱҥжӧ – тудо икте-весым пагалаш, еш йӱлам аралаш утларак кумылаҥден.
Пошкырт кундем Атлегач тӱвыра пӧртын сайтше гыч налме фото-влак.