Йошкар-Олаште шочын-кушшо Наталья Сидоркина Кугыжаныш да муниципальный службо колледжыште пожар лӱдыкшыдымылык областьыште специалист лияш ямдылалтеш. Тудо тений 3-шо курсым тунем лекте. Марий ача-аван ӱдырышт Российысе утарыше-влакын студенческий корпусыштыжо да Калык фронтын Молодёжный командыштыже чолган пашам ыштымыж дене ойыртемалтеш.
Наталья тыршен тунемеш, садланак тудым групыштыжо командирлан шогалтеныт. Шукерте огыл студентке вице-старший сержант званиян лийын.
Кеҥежым чодырасе пожарым йӧртымашке коштын, а телым Крешене годым ий ваке воктене лӱдыкшыдымылыкым эскерен. Тудо аттестоватлалтше утарыше да матрос семын Йошкар-Оласе пляжлаште пашам ыштен, рӱдолаште илыше-влаклан икымше медицине полышым пуэн. Наталья ты шотышто мастарлыкшым тӱрлӧ курсышто поген, «Вектор Спасения», «Я доброволец» да моло форумлаште лийын. «Лӱдыкшыдымылык школ» таҥасымашлаште призовой верла дене палемдалтын.
– Чыла тидыже мемнан илыш ситуацийна дене чак кылдалтеш, илышлан ямдыла. Сандене кеч-куштат полышым чын пуэн моштыман, – манеш Наталья.
УМБАКЫЖЕ — «КУГАРНЯ» газетын 4-ше страницыштыже лудса.