Марий Эл Республикысе прокуратур кугыжаныш кучем да верысе самоуправлений орган-влак дене пырля тулык да ача-ава попечений деч посна кодшо йоча-влаклан илыме веран лияш полша. Тыге 2022 ийыште тыгай тӱшкаш пурышо 338 еҥ пачеран лийын. Тылеч посна кызыт тулык йоча-влаклан эше 30 пачер чоҥалтеш, кучем орган-влак нунылан илыме верым налаш у контракт-влакым ышта.
2022 ийыште республикысе прокуратур тулык йоча-влакын илыме веран лияш праваштым пудыртымо дене кылдалтше 48 фактым муын. Тулык йоча-влаклан илыме верым чоҥымо годым контрактын жапшым шуктымо огыл, пачерыштым арален кодаш але илаш йӧрдымылан шотлаш мерым приниматлыме огыл, тулык йоча-влаклан пачерым пуымым муниципальный орган-влак жапыштыже огыт терге. Экшык-влакым кораҥдаш манын, 25 представленийым лукмо, 17 должностной лицам дисциплинарно, кок должностной лицам административно мут кучаш шогалтыме. Судыш 10 искым колтымо, ик шижтарымашым лукмо.
Ты шотышто паша умбакыже шуйна.