28 сентябрь гыч 2 октябрь марте Тула олаште кокла профессиональный тунемме заведенийлаште туныктышо-влак коклаште эртаралтше «Мастер года» федеральный конкурсын финалже лийын.
Тушко конкурсын регионысо йыжыҥыштыже сеҥышыш лекше Марий радиомеханический техникумын туныктышыжо Дмитрий Андреев миен коштын.
Конкурсыш Российын чыла регионжо гыч 89 финалист ушнен. Финал таҥасымаш олан 12 площадкыштыже эртен.