31 июльышто Марий Элысе чодыралаште пожар лӱдыкшӧ шотышто II классым увертарыме. Тидын нерген Марий Эл Республикын Пӱртӱс поянлык, экологий да йырвелым аралыме шотышто министерствыште каласеныт.
31 июльлан республикысе чодыраште 27 вере (20,56 га) тул ылыжын. Еҥ-влакын тулым шотдымын кучылтмыштлан 20 вере тул ылыжын, кӱдырчылан кӧра – шым вере.
Пожар лӱдыкшыдымылык правилым пудыртышо-влаклан 40-50 тӱжем теҥге штарфым пуат, тыгак уголовно мут кучаш шогалтен сеҥат.