Финн-угор калык-влакын тыгай лӱман IX кинофестивальышт тений Ачамландым аралыше идалыклан пӧлеклалтеш.
Тудым ты гана «Комикиновидеопрокат» тӧнеж эртара. Ончычсо семынак жюри кӱчык метражан, документальный, анимационный, игровой фильм ден музыкальный ролик-влакым (клип) акла. А фестиваль Сыктывкарыште 19-21 сентябрьыште лиеш. Ты проект Тӱвыра инициативын президент фондшын полшымыж дене илышыш шыҥдаралтеш.