Екатерина Иванова, Йошкар-Ола:
– Таза капкылан лияш манын, идалык мучко тренировкыш коштам. Теле деч вара, чынжымак, организмын нойымыжо поснак шижалтеш. Садлан тудым тӱрлӧ витамин дене пойдараш тыршем. Ешем свежа емыж да шудо чайым йӧрата. Тыгайжым эреак шолтен йӱына. Кеҥежым погымо тӱрлӧ емыжым морозильникыште аралем. Тылеч посна икшыве-шамыч дене пырля Д витаминым приниматлена, кажне кечын яндар южышто лияш тыршена.