28 майыште Волжск оласе ече базыште Волжск оласе округын трейл дене икымше чемпионатше да первенствыже лийыныт.
Тудо Совет Ушем Герой, Марбумкомбинатын пашаеҥже А.Е.Кошкинын (1922-1958) шочмыжлан 100 ий теммылан пӧлеклалтын. Тушко 51 спортсмен миен.
16 ияш марте ӱдыр-рвезе-влак 3 меҥгыш куржыныт. Чемпион лӱмым А.Ильин (Красногорский) ден Д.Журавлёва (Памар) налыныт. 5 меҥгыш куржшо-влак коклаште Н.Малышев (Памар), П.Смоленкова (Звенигово) икымше лийыныт. 20 км дистанцийыште Д.Очетов (Волжск) абсолютный чемпион лийын, ӱдырамаш-влак коклаште – Т.Рослякова (Йошкар-Ола).
Первенствыште Н.Лебедев, А.Семёнов, М.Михайлов, В.Мартьянов, А.Ильин, Э.Казьмина сеҥеныт.
Абсолютный чемпион-влаклан кубокым, а призёр-влаклан грамот ден медальым кучыктымо. Тыгак чыла участниклан Совет Ушем Геройын шочмыжлан ыштыме вымпелым пӧлеклыме.
